Воронова, О. В. «Макск тейне сембе масторлангть» : [стихотворения] / Октябрина Воронова ; сааминь стихнень ётафтозень Рая Орлова // Мокша : литературно-художественнай и общественно-политическяй журнал / главный редактор В. М. Лобанов. – 2018. – № 10 (окт.). – С. 64-68.

Келу Кассь пакся крайса уле келу, Кунардонь, Тюштянь пингста саф, Кассь кафта рашкса, сенем менельс Эсь тёкшензон сон венептсь-стяфтсь. И сашендыхть коми, саами Ваймама ёткста тяза най, И келуть ваксса морсихть ламос, Сонь перьфоц весялста унай. Цють нолдай тарадонзон, казнет Кандсть келуняти, кельгозь макссть: Кит ожнаста крганят казихть, Кит шёлконь-парьхциень котф пакшт. Проке шудерькекяти ведсь прай, стама Синь хороводсна, касфтсы мяльть. И морайхть тундрань кафта плямат, И сембе шарьхкодьсазь тя кяльть. Синь морайхть тёждяста. Морсь кели. И сембе пинкнень улендсь тя, Кодане унксонза тя келуть, Синь Мода-тряйнясновок фкя! * * * Тон тячи онозон шовореть-сать... И ваймосон монь арась валда-валда. И стенав ладязь вееяла кштимать Шинь нумолнятне, комотнесть и валдоптсть. Кияксть и поталакть синь пиндолфтсазь, И кядьгонятне аруфт мрга кудонь. Ляйть ваксса пичетне пижеснон штазь, Посёлкась праздникшинь бта, проке чуда. Тон тячи онозон шовореть-сать... 67