Воронова, О. В. «Макск тейне сембе масторлангть» : [стихотворения] / Октябрина Воронова ; сааминь стихнень ётафтозень Рая Орлова // Мокша : литературно-художественнай и общественно-политическяй журнал / главный редактор В. М. Лобанов. – 2018. – № 10 (окт.). – С. 64-68.

Явомат сисем, Сисем кись, Недяля потмонь сисем шитне, Ляйть вельхксса сисем ашксь-дугась, И сисем тяште Карьхкя Тяштьса, И сисем пандть ала тайгась. Тянь мялямозе шитьке, ветьке Ванфнесы: якан, няян он, Мзярс эрян, аф полафтса вестьке, Мзярс эрян мон, Мзярс эрян мон... * * * Мялезе лядомс модать лангс Хуш кулуть ёткса цятконякс, Хуш олаф сюролдакс шинять, Штоб мяляфтолемазь иднят. Мялезе лядомс эрямс тонь Седисот, вастсь ся аньцек монь, Тайгать морвайгяльса цинняй И моросонза эрек ляйть. Мялезе лядомс воляс, катк Тёждяня коволсь кельме кандсь, Тошкаманц эса тишенять, Кува тон молят, ся кинять. Хуш шобдать пачк шинь сюролдакс — Мялезе лядомс модать лангс! Рисованиянъ урок Шра ваксса архнихть иттне. Толянь кагодса — войнась. И мес тага толуфт китне, Мес изь лотка тюремась? Танкатне и самолёттне Палыхть, модась качамса, Пушкат ляцендсть апак лотксек,