Молитвословия всем святым Кольского Севера и чтимым иконам / [ред. игумен Митрофан (Баданин)]. - Санкт-Петербург : Ладан ; Мурманск : [б. и.], 2011. - 62 с.

Тропарь преподобным Астерию (Аксию), Авксентию и Тарасию Кашкаранским, Соловецким Глас 4 Постническое и равноангельное житие приимше, / преподоб- нии отцы Астерие, Авксентие и Тарасие, / в Поморие пустынное удалилися есте, / аки в тихое пристанище, / на наволок Кашка- ранский вселилися есте, / и многая лета пожили есте, / и непре- станныя молитвы яко копие в руках имуще, / крепко победили есте бесовская ополчения, / благодать приимше целити недуги душ и телес наших. / Тем зовем вам: / / Радуйтеся, преподобнии отцы Астерие, Авксентие и Тарасие, монахов удобрение. Кондак, преподобным Астерию (Аксию), Авксентию и Тарасию Кашкаранским, Соловецким Глас 8 Троице святая Кашкаранская, / Соловецкаго отока отрасле многоплодная, / в правиле иночестем возсиявшая светло, / пре­ подобнии отцы Астерие, Авксентие и Тарасие, / поминайте ны, любовию хвалящия вас. Тропарь преподобномуАстерию (Аксию)Кашкаранскому, Соловецкому Глас 1 Яко звезде пресветлей тезоименитый, / возсиял еси в Полунощней земли, преподобие отче наш Астерие, / и монашескими добродетельми первее украсився, / на Терстем брезе пустыннем аки в тихое пристанище вселился еси, / и тьму нощи духов отгнал еси, / и своею смертию от тяжкаго недуга люди поморстии исцелил еси, / душу свою за други своя полагая. / Не умолчи убо и ныне, / о недузех и скорбех наших моляся, Астерие преподобие. 46